April 25, 2019

ROMANI ĆHAJ SAVI PHAGOL ANGLOPAĆAPEN KAJ O FUDBAL ISI MUŠENGO SPORT

Štikle paruvdel e kopačkenca

Kana ljiparolpe fudbal but mislin kaj akava sport isi samo mušenge thaj ninaj e đuvligejenge


Objavio  Mar 15, 2018

Amaro žurnalisti sale prilika avral i Crna Gora te kerel lafi e romane čhajasa savi phagol anglopaćapen kaj akava sporti isi mušengo, thaj kaj e romane ćhaja naštin te khelen fudbal.

Sabina Shmeding (23) katar i Germania kotar pire 14 berš ćhelol fudbal. Katar po ciknipe ni mangla te dikhlol e anglopaćapen thaj uživisarda te ćhelol fudbal e mušenca thaj phraljenca pe droma.

,,Fudbal ćhelav katar miro 14 berš. Kana sema ciknoni ćhelava fudbal me phraljenca thaj mušenca po drom taj vi ani škola. Savaxtestar crdola man te ćhelav kava sport kaj isile timsko ćhelipe“.

Lako trenutno angažmani si ano fudbalsko klub ,,TSV Limmer“ ani Germania. Numaj e phare treningora thaj brojno utakmice i Sabina ni bistarol piro sikljovipe. But zori ćhol an po sikljipe.

,,agorćerdem maškarutni škola e medicinaće thaj ćherav ani bolnica-sastarni sar medicinsko phen. Misliv kaj e romnja trubun te ćeren po piro sićipe thaj te phagen anglopaćajpe kaj e romnja trubun samo te bijanen e ćhavren, premon o xape thaj te ćiston“, vaćarol i Sabina thaj ćhol kaj sarsavi gjuvljigjej trubul te ćherol bući savi voj kamol. „Amen kova šai, thaj šai vi te ćhela but laćhe o fudbal sar kaj ćhelen e muš“, phenol po asajpe.

Sabina phenol kaj isila baro dumo katar piri daj thaj, sar phenol, kova značila laće but thaj pomožisardala te ćhelol sport savo kamol. „Von savaxtestar dlema motivivacia te gjjav, te pobediv sah e anglopaćajpe kaj sesa anglal mande. Naročito sama podrška katar mo baro phral, savo savaxtestar avolasa te dikhol man sar ćhelak ke utakmice“, phenol i Sabina.

Lasa vaćardam vi katar o problemi e terne ćhajengo thaj ćhavorengo save ženinpe terne. Phenol, an laći familia kova naj uobičajeno thaj odolese voj nakhli loćhe. Ali, sar phenol, ane pobut familie kova si baro problemi sose romane ćheja ni sikljoven ki sikavni.

„Misliv te si kova baro problemi ano amaro amalipe, a koljese doprinosil phanglo krugo katar ćoripe. Misliv kaj si vi i država koja kaj trubul te ćerol buću pobut aktivno kaj te rešinelpe akava problemi.

Pe aver rig, potrebno si katar e savore terne manuša thaj agja vi puranendar te ćeren bući kaj te duraren akaja tradicia katar amari komuna“, phenda i Sabina.

Phenol kaj vi ani Germania isi prisutno pojave e terne ćhajenge thaj čhavorenge save ženinpe. „Savaxterstar kana ašunav gja misliv kaj sem me pobut baxtali ano životo odolese kaj mungri familia ni ćhutema te gjav bori vaj te pingjardijav khanikasa save ni pingjarav“.

„Te šaiv te alosarav o fudbalsko tim kaj te ćhelav definitivno odova tim avolasa o fudbalsko klub Bajern Minhen (Bayern Munchen). Kova si munro omiljeno tim katar mo ciknipe, želja simange te jekh gjive okoring ćhelav“.

Sabina po agor po vaćaripe phenda savore ternenge, save isi ani širdutni faza te zuraven piro ličnost thaj kariera, te lenpe ko sport, thaj palo o sport te marenpe pire hakajenge. „Ćhelen sport, ni phengje e manuša bisebepo: Ano sasto trupi sasto ruhi“.

Anita Beriša

Email This email address is being protected from spambots. You need JavaScript enabled to view it.
Login to post comments
  1. Aver skirinen
  2. Najdrabaripe
  3. Komentari