July 9, 2020

Amalipaja ano fudbalo nišankerel 8. Aprilo, Romengo lumijako đive

Objavio  Apr 15, 2018

Romani organizacija ternenđi Phiren Amenca nišanisarda 8. April, Romengo lumijako đive amalipaja ano fudbal e terne Romenđe thaj biromenđe thaj agia tradicionalno nišankerel jekh katar najimportantno dive Rromengo.

Amalipe ano fudbal akhardino „Amalipe bi anglopaćajpe“ organizirino si te phagenpe stereotipija thaj anglopaćajpe katar romani komuna, posebno pe terne Roma.

 „Pe kava kotor amen manga te pinđara ternen kotar romani thaj biromani komuna e istorijasa e oxtoto aprileso, Romane lumijako đive thaj te motha vi jek drom kaj romani komuna si barvalji bare istorijasa thaj kulturno kustikerel“, phenda Elvis Beriša, izvršno direktori katar NVO Phiren Amenca.

Po nisijpe kala manifestacijake o koordinator NVO Phiren Amenca, Serđan Baftijari ćherda seljami participanenđe thaj zalaga pinđarda e istorijasa katar nišankerel 8. April Romengo lumijako đive.

 „Kava datumo amenge Romenđe si but značajno. Katar 1971. berš pe kava đive nišankrerelpe Romengo đive, po angluno drom arakhadilje ano London najznačajno lumijaće manuš katar romani komuna thaj ande disave bitno odluke khatar romano khetanipe“, phenda Baftijari.

Vov phenda kaj numa i decizia katar nišankerel e Romengo đive, ande vi aver bare džanlipe decizie sar o službeno naziv e Rromengo, a kova si „Rom“ so značil „Manušh“.

„Andi si vi decizia kaj službeno ćhib e romengo si „Romani čhib“, romano barjako savi sila trin bojave thaj kola si bodli savi znaćil del (nebo), ćajrali savi značil ćar thaj i phuv, thaj loli rota savi značil rota kaj mothol sar e Roma mišinpe ki lumija“, phedna Baftijari thaj ćhuta po agor kaj 1971. berš andi si i decizia savasa e romenđi himna ljolpe i đilji „Gelem,gelem“.

Pala cikno angluno alav thaj pinđhardipe ternengo e anglederutne činjenice nisarda o sportsko amalipe.

Last modified on Sunday, 15 April 2018 17:09
portal Romalitika

Email This email address is being protected from spambots. You need JavaScript enabled to view it.
Login to post comments
  1. Aver skirinen
  2. Najdrabaripe
  3. Komentari
loader